അലതല്ലും ഈണം മനസ്സില്‍.....

അകലുന്നു മോഹത്തിന്‍ രാഗം .....

നിറമിഴികള്‍ ഒരുപാടു തവണയായ് കാണുന്നു

പിരിയുന്ന വഴിയില്‍ അങ്ങിങ്ങായ്‌.

ഒരു നീല വിഷപുഷ്പം ഇന്നീ വഴിയില്‍,

ഒരു പടുമരത്തിന്‍ ചോട്ടിലായ് കണ്ടു ഞാനും ,

ഗന്ധം പരത്തുന്നു ചുറ്റിലും ,തീക്ഷ്ണമായ്,

ഉടലുകള്‍ എരിയുന്ന തീക്ഷ്ണഗന്ധം .

വിങ്ങലുകള്‍ ,വിഹ്വലതകള്‍ ,തീരാക്കിനാവുകള്‍,

തളയിട്ട കാല്‍കളും,കരിവള ക്കൈകളും

എരിയുന്നു,ചിതകളില്‍ എരിയുന്നു ചുറ്റിലും ,

ഒരു പേക്കിനാവില്‍ പകച്ചു പോയിന്നും ഞാന്‍.